SARANGANI PROVINCE– Gikumpirma ni Police Lieutenant Colonel Jovenson Bayona, ang labaw sa Glan Municipal Police Station, nga wala nay kaso nga mahitabo batok sa duha ka maestro nga gialegar nga nanghilabot ug nakapabuntis sa estudyante.
Sumala ni PLtC. Bayona, nagdesisyon ang pamilya sa usa ka Senior High School student nga dili na mosang-at og pormal nga reklamo, bisan pa man sa ilang gihimong pagkumbinsi.
Giklaro usab sa opisyal nga dili tinuod nga namabdos ang biktima.
Hinuon, abli ang Glan MPS ugaling magbag-o ang desisyon sa pamilya.
Sa laing bahin, mipadayag usab si Glan Mayor James Yap Sr. sa iyang kabalaka sa maong insidente.
Matod niya, nga wala silay mabuhat kun dili interesado ang mga biktima nga mosang-at og kaso.
Sa pagkakaron, ipailawom sa counseling ang mga estudyante.
