GENERAL SANTOS CITY – Nailhan na ang duha ka mga patay nga lawas nga gituhu-ang gilabay sa kasagbutang bahin sa Purok 14 ug Purok 15 sa barangay Apopong ning syudad.
Kini human midangop sa Makar Police Station ang nagpangalan ug Gloria Supiaga Ampo nga taga Purok 21 Barangay Fatima ug nagbutyag nga iyang anak ang usa sa patay nga naa sa usa ka punerarya.
Matud ni Police Sr. Insp. Robert Fores nga giila sa Inahan ang biktima nga si Jay R Supiaga Ampo 19 anyos ulitawo walay trabaho.
Gani dihang gipahigayon ang pagsusi sa patay nga lawas nakuhaan matud pa ug suspected marijuana ang bulsa sa nahisgutan.
Nakatext pa sa iyang Inahan si Jay R pasado alas dos sa kaadlawon ug nagbutyag nga kuyog kini sa iyang mga barkada.
Gani ang nahisgutan ang lider ug founder sa grupo nga PURO MGA BUGOY GANG nga naglihok sa Fatima ning syudad.
Samtang giila ang ikaduha nga biktima nga si Jayson Gusal 18 anyos nga taga San Vicente Lagao ning dakbayan.
Miaging gabii matud pa nalambigit sa rambol ang duha ka biktima ug nag-away gumikan lamang sa usa ka babaye. .
