GENERAL SANTOS CITY – Pakyas gihapon makit-an ang duha ka katao nga gikataho nga missing sa usa ka beach resort sa Kawas, Alabel Sarangani Province tungod sa makusog nga balud.
Matud ni Police Captain Robert Pores, usa sa mga mitabang sa gipahigayong Search and Rescue Operation, giila ang mga nawala nga indibidwal nga silang Jimmy Lavaro, 49 anyos usa ka CSU member sa Alabel og Kevin Bilyonaryo, 17 anyos.
Gikanayong walo ang nalumos og ang unom ang nakaluwas human nga gidala sa makusog nga balud hinungdan ang duha ang wala makita.
Matud sa opisyal nga kabahin ang duha sa aktibidad nga gipahigayon sa simbahan nga Seventh Day Adventist sa dagat.
Gibutyag ni Capt. Pores nga ipadayon karong adlawa ang pagpangita sa duha nga missing nga ipahigayon sa mga ginsakpan sa Alabel MDRRMO Rescue team, Philippine Coast Guard, Alabel Police, grupo sa divers, Strike Divers Gensan ug uban pa.
