DTI mas gipahugtan ang information dissemination sa katungod sa mga konsumante
GENERAL SANTOS CITY – Gipaklaro ni Department of Trade and Industry (DTI) 12 Regional Director Doris Delima nga ang hisgutanan kalabutan sa mga katungod sa mga konsumante dili lang gihisgutan matag Consumer Month nga mahitabo kada Oktobre.
Matud pa ni Delima nga base sa Presidential Proclamation 1098 nga gideklara ang bulan sa Oktobre nga Consumer Welfare Month.
Sa maong selebrasyon gihatagan og gimbug-aton ang mga katungod sa mga konsumante.
Sumala pa ni Delima nga daghan sila nga mga aktibidad alayon sa maong kasaulogan.
Sa miaging Oktobre 1, 2019 gipahigayon ang Consumer Congress samtang gikatakda ang Super Consumer Quiz, Short Film Making Contest, og uban pa
Gibutyag pa ni Delima nga pinaagi niini maedukar ang katawhan sa ilang katungod.
Angayang ensakto ang gidaghanon o timbang sa produkto base sa nakalatid sa balaod og ang kinsa nga musupak ang may silot nga atubangon.
Kahibaluan nga ang matag DTI provincial office ang may kaugalingong aktibidad nga gihimo aron mahatagan og edukasyon ang publiko sa ilang katungod.
