GENERAL SANTOS CITY – Bag-o na ang labaw sa Department of Social Welfare and Development (DSWD) Region 12.
Kini mao si Cezario Joel Espejo kon asa sa miaging adlawng Huwebes lang milingkod sa pwesto.
Ang iyang gipulihan mao si Bai Zorahayda Taha nga pipila na ka tuig nga nagserbisyo sa DSWD-12.
Gibutyag nga ang nasampit ang gidestino karon sa Maynila.
Si Director Espejo ang mitambong sa awarding sa 2019 Gawad Kalasag kung asa miadto gilayon sa maong aktibidad bisag usa ka adlaw pa lang naglingkod isip labaw sa DWSD 12.
Sa iyang pagpamulong, gihingusgan ni Dir. Espejo nga ang DSWD ang katambayayong sa nagkadaiyang mga ahensya sa gobyerno kalabut sa kalamidad.
Gihimong ehemplo niini nga wala pa nagsugod ang bagyo hangtud pagkahuman sa kalamidad anaa ang ilang buhatan nga andam magserbisyo.
Sa pahayag sa maong opisyal nga angayang may igong kasayuran ang publiko sa disaster preparedness aron masayod sa angayang mga himoon pagmuabot ang unsa mang matang sa kalamidad.
