Nagsugod na ang Department of Social Welfare and Development (DSWD) Soccsksargen sa pagrelease sa social pension sa indigent senior citizens
Inay nga kada duha ka higayon sulod sa usa ka tuig ang pagrelease gihimo karon sa DSWD nga kada tulo ka bulan. Kini aron may magasto ang mga nasampit sa ilang panginahanglanon og tambal.
Kahibaluan nga kada quarter anaa sa P1,500 ang madawat sa kada social pension beneficiary.
Unang nakadawat nga mga senior citizens ang taga Sto. Niño og Banga sa South Cotabato, Libungan og Arakan sa North Cotabato province, lakip sa Maasim sa Sarangani province.
Ang DSWD-12 ang gapahimangno sa mga social pension beneficiaries sa Soccsksargen nga makig-alayon sa city social welfare office sa schedule sa payouts.
Nasayran nga sa tibook rehiyon 12 adunay 200,000 ka mga social pension beneficiaries.
