GENERAL SANTOS CITY – Gibungkag sa mga sakop sa PDEA-12 ang drug den sa Tampakan, South Cotabato ug nasikop usab ang naga-maintain sa maong drug den.
Matud ni Kat Abad ang tigpamaba sa PDEA 12 nga nagpahigayon ug drug bust sa Purok Milagrosa, Poblacion Tampakan nga usa di-ay ka drug den.
Nasikop ang suspek nga si Reynaldo Bocio, 28 anyos, welder nga nakuhaan ug usa ka sachet sa gidudahang shabu sulod sa panimalay ni Jimboy Yanan 35 anyos nga residente sa lugar.
Matud pa nga ang nahisgutang druga ang adunay timbang nga 10 gramo ug may market value nga P 68,000.
Matud ni Abad nga natungnan nga adunay nagpot-session hinungdan nga ilang gidakop ang upat ka mga lalaki nga nakuhaan ug drug paraphernalia.
Giila ang upat nga silang Geroge Yanan 18-anyos, Binay Yanan 46-anyos babaye, Ace Puli 19-anyos ug Paterno Pacaonsis 33-anyos nga usa ka driver pulos molopyo sa lugar.
Gibutyag ni Abad nga aduna usab drug den sa ubang lugar apan dili una isulti sa publiko aron dili mabulabog ang ilang operasyon.
