Mixed emotions ang nahimong deskripsyon sa usa ka Tara driver sa regalo nga gihatag sa Pambansang Kamao nga si Manny Pacquiao
Nag-vlog si Manny ug iyahang gibida sa iyahang social media kung asa iyahang giingon nga siya padulong sa iyahang opisina sa Makati
Matud niini wala siya nigamit sa iyahang kaugalingon nga sakyanan ug migamit siya ug ‘riding apps’ alang sa transport services nga gamitan lang ug cellphone.
Dugang pa nga kung kinsa ang driver nga iyahang una nga masakyan tagaan niya ug kwarta . Dili Philippine pesos, kundili US dollars.
Gipakita pa ni Manny ang iyahang gunit nga USD bills nga tig-100 matag-usa nga anaa sa 1,000 US dollars ang iyahang ihatag sa driver
Atol sa biyahe, gipangutana ni Manny ang drayber kon pila ang iyang plete.
Mitubag ang drayber nga sobra ra sa 100 pesos.
Pag-abot sa Boxing Champ sa opisina, gipangutana niya ang drayber kon pila. Mitubag siya nga 110 pesos.
Sa wala pa manaog, giingnan ni Manny ang drayber nga hatagan niya kini og kwarta nga mokabat sa 1K US dollars.
Giihap niya ang kwarta sa drayber hangtod nga nakakompleto siya og 1K.
Human sa paglamano sa boxing legend, sige og pasalamat ang drayber, ug miingon nga wala siya masayod kon unsa ang iyang bation.
Miingon siya nga gusto niyang mohilak, nalipay kaayo siya sa panalangin.
Nakadawat ang drayber og labaw pa sa boundary gikan sa kanhi senador.
