Nagpahayag ang Department of Public Works and Highways (DPWH) Secretary nga dili siya magresign sa iyang pwesto bisan pa sa padayong panawagan nga himuon kini taliwala sa isyu sa mga ghost projects.
Matod ni Sec. Manuel “Manny” Bonoan, iyang tumanon ang mando ni President Bongbong Marcos nga ipadayon ang imbestigasyon sa giingong mga ghost projects nga naglambigit sa dagkong pondo sa gobyerno.
Giingon pa niya nga ang tumong karon mao ang paglatid og klaro nga kahimtang sa mga proyekto ug pagpangita sa mga responsable kung adunay anomalya.
Gibutyag usab nga dili lamang sa flood control projects nakatutok ang pagsusi, kondili apil usab ang ubang imprastruktura nga adunay posibilidad nga gi-report nga nahuman na apan wala man diay natukod.
Padayon ang koordinasyon sa DPWH sa Commission on Audit ug sa Office of the Ombudsman aron mas masiguro nga transparent ug accountable ang proseso sa pag-imbestiga.
