Padayon ang pag-abot sa mga donasyon alang sa mga residente sa upat ka barangay sa Alabel nga biktima sa kalit nga pagbaha kaniadtong Desyembre 26 niini ga tuig hinungdan nga padayon nga mipasilong sa mga evacuation center.
Una ng gibutyag sa Alabel Municipal Disaster Risk Reduction and Management Office nga padayon ang paghatag ug foodpack sa mga residente alang sa mga apektado nga pamilya.
Gikadugang pa nga gisiguro sa maong buhatan nga mahatag ngadto sa mga biktima ang tanan nga donasyon nga ilang nadawat luyo nga padayon pa ang pag-abut.
Gani may mga empliyado gikan s a munisipyo kauban ang pipila ka mga volunter ang naa sa lugar aron dumalahan ang pag repack sa mga donasyon.
Sumala pa nga nakasinate gihapon ug pag-ulan ang mga lagyo nga barangay sa Alabel busa padayon ang pahinumdum nga mulikay sa mga sapa ug bakilid aron dili mamiligro sa unsa mang aktibidad kalabutan ang nasinati-ang pag-ulan.
Padayon usab ang pag-ayo sa mga ekipo sa Municipal Engineering Office sa mga naguba nga dalan aron mahimong sayon alang sa mga residente nga makaabut sa ilang destinasyon.
