Nanawagan ang Department of Health (DOH) sa gobyerno nga ideklara ang human immunodeficiency virus o HIV nga National Public Health Emergency tungod sa 500 porsiyento nga pagsaka sa mga kaso niini.
Sa usa ka pamahayag ang DOH miingon nga ang gidaghanon sa mga kompirmadong kaso sa HIV kada adlaw niabot sa 57 gikan sa Enero hangtod Marso ning tuiga.
Matod sa DOH, kini maoy 500 porsyento nga pagsaka, ang pinakataas sa Western Pacific Region.
Matud ni DOH Secretary Teodoro Herbosa nga ang pagtaas natala sa mga indibidwal nga nag-edad og 15 ngadto sa 25 anyos — ang pinakabata kay 12-anyos sa probinsya sa Palawan.
Kalabot niini, giawhag sa DOH ang publiko nga magpa-test sa HIV nga matud pa libre ug confidential.
Aron malikayan ang HIV transmission, girekomenda usab sa ahensya ang paggamit sa condom ug uban pang mga preventive measures kung makighilawas ug likayan ang multiple sex partners
