Gibutyag sa Department of Health (DOH) nga wala’y ipinatuman nga lockdown sa Pilipinas kalabot sa mga kaso sa monkeypox o mpox.
Giklaro sa DOH nga bakak o fake news ang nagkatag nga impormasyon sa social media mahitungod sa maong sakit.
Nagpahimangno ang ahensya sa publiko nga mag-amping ug ayaw dayon motoo sa mga sayop nga balita.
Bisan pa man sa pagsaka sa kaso sa mpox karong tuiga, mas ubos gihapon kini kung ikumpara sa tuig 2024.
Matud sa DOH, mas aktibo karon ang mga lokal nga panggamhanan sa pagpang-monitor ug pag-report sa mga kaso.
Gipasabot usab sa DOH nga dili airborne ang mpox busa wala’y rason para mag-lockdown.
Base sa ilang datos, Clade II lang ang variant nga naa sa Pilipinas usa ka mild o hinay nga variant.
Wala pa’y natala nga Clade 1b nga mas dali makatakod.May pipila lang ka lugar nga nagpatuman og mandatory nga face mask.
Nagpahimangno sab ang DOH ug ang DTI-Davao sa publiko nga ayaw mag-hoard ug ayaw pag-overprice sa medical supplies kay wala’y panginahanglan nga mogamit og daghang tambal o suplay batok sa mpox.
