REGION 12 – Nagpadayon ang Department of Health Region 12 sa ilang kampanya batok sa HIV human sa padayon nga pagsaka sa kaso sa maong sakit sa rehiyon .
Base sa datos sa DOH-12 misaka ang kaso sa HIV sa unang tunga sa tuig 2025 nga may kalabotan sa padayon nga risky behavior sa pipila ka sektor sa komunidad.
Gibutyag sa ahensya nga daghan sa mga nataptan sa HIV ang mga batan-ong lalaki nga aktibo sa pakighilawas nga walay proteksyon ug walay igong kahibalo sa epekto sa maong sakit.
Tungod niini padayon ang pahimangno sa publiko nga magpuyo nga responsable ug magpugong sa mga lihok nga mahimong hinungdan sa pagkakuha sa HIV.
Giawhag sa DOH-12 ang paggamit sa proteksyon sama sa condom ang paglikay sa multiple sexual partners ug ang pagpailawom sa voluntary HIV testing .
Gipahimangnoan usab ang mga katawhan nga dili angay ikaulaw ang pagpacheck-up tungod kay mas maayo nga mahibal-an sayo aron dali kini matambalan ug malikayan ang komplikasyon.
Padayon ang panawagan sa tanang LGU barangay ug health centers nga mosuporta sa kampanya sa awareness prevention ug early detection sa HIV
