Gikumpirma sa pamunuan sa Department of Migrant Workers nga natunolan na ilang buhatan og tabang ang tulo ka Overseas Filipino Workers sa Northern Ireland.
Nakasinati sila og grabeng trauma tungod sa mga hulga nga ilang nadawat human sa kagubot nga nagbutang kanila sa peligro.
Sa usa ka pamahayag, matod ni Migrant Workers Secretary Hans Leo Cacdac nga padayon ang ilang pagmonitor sa sitwasyon, partikular na ang ilang Migrant Workers Office sa maong lugar.
Ang tumong niini nga lakang mao ang pagsiguro sa ilang kaluwasan ug seguridad.
Sa laing bahin, ang ahensya mitaho nga walay OFWs nga naangol sa immigration protest nga nahitabo sa Los Angeles, California sa Estados Unidos.
Nagpadayon usab sila sa pagmonitor sa sitwasyon subay sa direktiba sa PBBM nga mahatagan dayon og hinabang ang mga apektado.
