GENSAN- Gibutyag ni Sam Lintongan, Regional Director sa Department of Migrant Workers (DMW) Region 12, nga andam ang gobyerno sa pagtabang sa mga Overseas Filipino Workers (OFWs) sa Middle East ilabina sa kasamtangang tensyon sa rehiyon.
Gipatin-aw niya nga adunay upat ka components sa response sa crisis;
Una, ang pagtabang sa mga OFW nga stranded sa airports; ikaduha, on-site assistance pinaagi sa mga consular offices ug embahada.
Ikatulo, repatriation assistance alang sa mga gusto mopauli sa Pilipinas kung moluwas na ang airspace ug ikaupat, reintegration assistance pinaagi sa National Reintegration Network uban sa DSWD, DOH, LGUs, ug uban pang ahensya sa gobyerno.
Gipanghimakak ni Lintongan nga ang mga pamilya sa Region 12 makig-coordinate sa DMW pinaagi sa hotline ug social media aron ma-request ang repatriation sa ilang mga kababayan.
Gisiguro niya nga andam ang tanang sangay sa gobyerno, lakip na ang mga LGU, sama ni Mayor Lorelie Pacquiao, Governor Tamayo, Governor Ruel Pacquiao, Governor Pax Ali Mangudadatu, ug Governor Lala Taliño-Mendoza, sa pagtabang sa mga OFWs sa pagpauli ug pag-reintegrate sa nasod.
