GENERAL SANTOS CITY- Kapin sa P200 thousand ang damyos sa nahitabo nga sunog sa onse ka panimalay sa zone 6 Bula ning dakbayan sa Heneral Santos kagahapong adlawa.
Sumala pa ni SFO2 Angelo Suralta imbestigador sa Bureau Fire Protection Gensan nga nanukad mismo ang sunog sa second floor sa panimalay ni Faustino Otadoy sa nasampit nga lugar kung asa adunay nagsiga ug naugdaw gilayon ang mga panimalay gumikan ginama sa light materials.
Gibutyag pa ni FO2 Suralta nga padayon pa nga giimbestigasyon kung unsa ba gayud ang hinungdan sa sunog. Gikadugang niini nga dinhi s a dakbayan pito ka sunog na ang nahitabo apan kini ang may pinakaDako nga danyos kung asa dise syete ka pamilya ang nawad-an ug kapuy-an.
Pagka karon mihikling sa Barangay Gymansium ang mga biktima sa sunog samtang ang uban ang mipasilong sa ilang mga kabanay tungod wala misugot ang barangay nga mubalik ang mga nahisgutan sa lugar nga nasunugan.
