Wala’y bisan unsang impormasyon nga nadawat ang Department of the Interior and Local Government (DILG) ug Department of Justice (DOJ) bahin sa alegasyon nga nadakpan na si Senator Ronald “Bato” Dela Rosa.
Kini human mikaylap ang balita ning Martes sa hapon, Agosto 4, nga giingong nadakpan na ang kanhing hepe sa Philippine National Police (PNP).
Si Dela Rosa nag-atubang og kaso nga crime against humanity gikan sa International Criminal Court (ICC) may kalabotan sa war on drugs sa panahon ni kanhing Presidente Rodrigo Duterte, diin siya ang nahimong PNP chief.
Una nang gipahayag ni DOJ spokesperson Atty. Polo Martinez nga dili niya makumpirma kung adunay nahitabo nga pagdakop kang Dela Rosa.
Samtang, mipatigbabaw ang DILG nga wala’y bisan unsang impormasyon nga nakolekta ang PNP kabahin sa giingong pagdakop sa senador.
Ang kataposang higayon nga nakita sa publiko si Dela Rosa mao niadtong Mayo 12, diin mitambong siya sa sesyon sa Senado. Human niini, giingong gipagawas siya sa gawas sa Senado pinaagi ni Senator Robinhood Padilla.
