GENERAL SANTOS CITY – Mihangyo si GenSan DepEd Ssupt. Gildo Mosqueda ngadto sa mga ginikanan nga dili na hulaton ang klase una magpa-enroll sa mga estudyante.
Matud pa ni Mosqueda nga sa Hunyo 5 ang pag-abli sa klase, gilayon nga mag-lecture na ang mga magtutudlo.
Gikadugang pa niini nga kung may mag-enroll pa sa pagsugod sa klase ma-disturbo ang klase.
Kini ang rason nganong adunay usa ka semana nga gigahin ang DepEd sa pagpanglimpyo sa klase aron sa opening dili na manglimpyo ang mga estudyante.
Ang maintenance week ang magsugod ugmang adlawa hangtud sa Mayo 19.
Samtang ang launching sa maintenance week ang ilusad ugmang adlawa sa DepEd GenSan sa Upper Labay High School sa Barangay Upper Labay ning syudad.
