Plano ni Senator Ronald “Bato” dela Rosa nga mag-file og resolution aron imbestigahan sa Senado ang mga alegasyon nga ginabato sa kanhi opisyal sa Bureau of Customs kung asa gilambigit si Davao Rep. Paolo Duterte og bana ni Vice President Sara Duterte nga si Manases Carpio sa kontrbando og ilegal nga droga.
Matod kang Dela Rosa, chairman sa Senate Committee on Public Order and Dangerous Drugs nga nag-andam kini og resolusyon taliwala sa dili katuohan og illogical kon dili makatarunganon nga alegasyon ni Jimmy Guban nga ang duha ang nalambigit sa pagpalusot sa iligal nga droga lakip ang P11 Billion nga kantidad sa shabu nga nakumpiska kaniadtong 2018.
Gihingusgan sa senador nga kung dili mababagan ang iyang resolusyon, mag-file siya karong semanaha aron masusi ang mga gipanulti ni Guban.
Direktang gitawag ni dela Rosa ang pipila ka mga pulitiko nga mga oportunista human nga magbag-o ng posisyon sa “drug war” sa kaniadto Duterte administration.
Aminado si Dela Rosa nga nasubo siya sa nahitabo karon nga morag nahimong kritiko sa “drug war” ang mga kongresista luyo nga kaniadtong panahon ni kanhi Pangulong Rodrigo Duterte, gidayeg pagmaayo ug gipasalamatan pa kini tungod miubos matod pa ang krimen ug nagpabilin ang kalinaw og kahapsay sa nasod.
