Gibakwit sa gobyerno sa Japan ang pipila ka libo ka mga residente niini tungod sa pag-agi sa kusog nga bagyong “Ampil”.
Sumala sa Japan Meteorological Agency (JMA) kini moigo sa Choshi City sa Chiba prefecture.
Ang silangang rehiyon sa Kanto sa Tokyo maapektuhan usab.
Adunay kini kakusog sa hangin nga 45 metros matag segundo ug paghuros nga 216 kilometros matag oras.
Anaa sa 323,000 ka residente sa Iwaki City sa Fukushima prefecture ug 18,500 ka residente gikan sa Mobara City sa Chiba silangan sa Tokyo ang gipabakwit.
Ang mga panimalay sa Kanto nakasinati og kakuwang sa suplay sa kuryente.
Tungod sa bagyo, daghang biyahe ug biyahe sa tren ang nakanselar.
Gipahimangnoan usab sa mga awtoridad ang publiko nga magpalayo sa kadagatan tungod sa kataas sa balod ug kakusog sa uwan nga dala sa bagyo.
