Nipasaka ug rekramo ang Department of Agriculture (DA) batok sa JRA ug Pearl Enterprises Inc. tungod sa giingong pag-import og P2.37 milyones nga balor sa presko nga yellow nga bombay nga walay gikinahanglang permit.
Matod sa DA, ang Bureau of Plant Industry (BPI) nisang-at og pormal nga reklamo sa Manila City Prosecutor’s Office.
Kini human giingong nadiskubrehan ang pag-abot sa 25 metric tons sa yellow onion gikan sa China sa South Harbor, Manila niadtong Hulyo 2024.
Ang pag-isyu sa import permit gisuspinde gikan sa Enero 1 hangtod Agosto 19, 2024, tungod ang lokal nga suplay igo, sumala sa reklamo nga gisang-at ni BPI National Plant Quarantine Division Area Manager Henrick Exconde.
Napakyas pagpasabot ang JRA nganong mi-import kini nga walay sanitary ug phytosanitary clearance certification nga nagsiguro nga luwas kan-on ang bombay
