SARANGANI PROVINCE– Anaa na sa kustodiya sa 1st Sarangani Provincial Mobile Force Company sa Sarangani Police Provincial Office sa Kawas, Alabel Sarangani Province ang usa ka miyembro sa Communist Terrorist Group nga boluntaryong mitahan sa gobyerno niadtong Nobyembre 25, 2024 sa Purok Upper Lasang Barangay Sapu Masla Malapatan Sarangani.
Giila ang misurender nga si alyas “Mar”, 33 anyos, minyo, mag-uuma ug residente sa Sitio Maligang, Barangay Sapu Padidu Malapatan Sarangani.
Dihang nagsurender gitugyan usab niini ang usa ka unit MK2 fragmentation grenade.
Nasayran nga miyembro si Alyas Mar sa Guerilla Front 71, Far South Mindanao Region ubos commander Yoyong sa Purok Upper Lasang, Barangay Sapu Masla Malapatan.
Gihikay na sa mga otoridad ang mga dokumento sa nahisgotan aron mapadali ang aplikasyon sa E-CLIP program.
