GENERAL SANTOS CITY – Tulo na ang Community-Based Antigen Swabbing Stations (C-BASS) sa dakbayan sa Heneral Santos.
Kini human nga ulahing giablihan ang Community-Based Antigen Swabbing Stations sa Calumpang Sports Complex og Dadiangas West Central Elementary School sa miaging mga adlaw.
Gibutyag nga ang lokal nga gobyerno sa syudad ang adunay dul-an sa 18,000 ka test kits nga gilauman nga mulungtad hangtud sa January 2021.
Ang maong Community-Based Antigen Swabbing Stations ang mutabang sa mga barangay aron masayran gilayon kung postibo o dli ang usa ka tawo sa tumong nga makunhuran usab ang testing nga himoon sa Dr. Jorge P. Royeca Hospital Modular Testing Laboratory.
Samtang gibutyag ni Mayor Ronnel Rivera nga plano sa syudad nga mag-abli og dugang tulo pa ka Community-Based Antigen Swabbing Station ilabi sa airport, pantalan og sa nag-unangentry points sa syudad.
Nasayran nga ang labing unang Community-Based Antigen Swabbing Station ang nahimutang sa Barangay San Isidro ning syudad.
Sa labing ulahing report sa miaging November 13, 2020, anaa sa 7.06% positivity rate, sa syudad nga miubos gikan sa 40% positivity rate una pa nga nagdaghan ang testing.
Ang standard nga positivity rate base sa Coordinated Operations to Defeat Epidemic (CODE) Team of the National Task Force Against COVID-19 ang anaa sa 5%.
