GENERAL SANTOS CITY – Pwedeng magbutang ug dagkong streamers ang mga kandidato alang sa umaabot nga 2019 midterm elections sa Mayo.
Kini ang giklaro ni GenSan Comelec Officer Atty April MItchor-Miguel sa kondisyon nga sa ilaha lamang headquarters ug sa mga rally magbutang ug dagkong streamers.
Angayan usab nga dili musobra sa 8 by 3 feet ang streamers ug mahimong magamit lima ka adlaw una ang rally, apan angayang tangtangon sulod sa 24 oras human sa rally.
Dugang pa ni Atty. Miguel nga angayang ipahibalo sa mga kandidato ngadto sa Comelec ang kalabot sa schedule sa ilang rally.
GenSan Comelec Officer Atty April MItchor-Miguel
Samtang gikabutyag nga pito ka adlaw human sa rally, angayang magsumite sila sa ilang Statement of Expenses on Public rally, apan ang resibo niini ang i-attach sa SOCE nga isumite human sa eleksyon.
Mahimo matud pang ma-download sa Comelec website ang tanang mga forms nga gikinahanglang isumite sa mga kandidato.
