Gimandoan na ni Commission on Elections (COMELEC) Chairman George Erwin Garcia ang Philippine National Police (PNP) ug Armed Forces of the Philippines (AFP) nga magpahigayon og imbestigasyon sa pag-atake sa convoy ni Bangsamoro Autonomous Region in Muslim Mindanao (BARMM) Interim Chief Minister Abdulraof Macacua.
Matud ni Garcia, gusto nilang mapanubag ang mga responsable sa maong insidente.
Bisan pa man kon may kalabotan kini sa eleksyon o wala, importante karon nga mapadayon ang kalinaw ug kahapsay sa maong lugar.
Importante usab nga masiguro ang seguridad sa matag tawo ug mapatuman ang pagtahod sa constitutional rights nga gilatid sa balaod.
Gipahinumdoman nga giatake ang convoy ni Macacua niadtong Sabado, Agosto 15, samtang padulong siya sa Cotabato City gikan sa Maguindanao del Norte.
Mitambong si Macacua sa usa ka kalihokan sa Bangsamoro Federalist Party.
Nakaluwas usab si Macacua human wala sila mohunong hangtod nga nakaabot sa Bangsamoro Government Center sa Cotabato City.
