-- ADVERTISEMENT --
Gi-delete sa Commission on Elections (Comelec) niadtong Martes, Hunyo 17, ang tanang files sa National Printing Office (NPO) nga may kalabotan sa Mayo 12, 2025 nga eleksyon.
Matod ni Comelec Commissioner Rey Bulay, pangulo sa Committee on Ballot Printing, giaprobahan sa poll body en banc ang pagtangtang sa mga files gikan sa NPO server.
Lakip sa mga file nga natangtang mao ang mga opisyal nga balota, voter information sheets ug ballot reprints.
Matod ni Bulay nga ang pagtangtang sa mga file gihimo human sa pagpahigayon sa matag eleksyon subay sa Data Protection Act.
