Midepensa ang Department of Agriculture-Bureau of Fisheries and Aquatic Resources (DA-BFAR) nga palisiya nila ang temporaryo nga gidili ang pagpangisda panahon sa konserbasyon sa marine resources.
Sa usa ka pahayag gibutyag sa ahensiya nga gipalig-on niini ang ilang commitment sa closed fishing season nga gihulagway isip usa ka critical conservation measure.
Matud sa DA, tumong sa palisiya nga maalisdan ang stock nga isda ug magbaton ug malungtaron nga seguridad sa pagkaon alang sa nasud.
Ilawom sa closed fishing policy, gibawal ang dinaghan nga pagpanakop ug isda sa importante nga fishing grounds sugod Nobiyembre hangtud Marso.
Gipaklaro usab ni Agriculture Secretary Francisco Laurel Jr. nga ang fishing ban ang nagsuporta pareho sa mga mananagat ug konsyumer pinaagi sa pagsiguro sa padayon nga produksiyon sa mga isda.
Matud pa sa kalihim nga ang importasyon ang nagatubag sa temporaryo nga kakulangon sa suplay gumikan sa closed fishing season tungod sa pag-igo sa bagyo sa nasud.
