GENERAL SANTOS CITY – Nanawagan ang City Office (CHO) sa tanan nga magtinabangay aron batukan ang sakit nga polio.
Matud pa ni City Health Officer Dr. Jett Oco nga dili lang concern sa gobyerno o sa CHO ang pagbatok sa maong sakit kun dili sa tanan.
Gibutyag niini nga sa Nov 25 – Dec. 7 na matigayon ang ‘Sabayang Patak kontra polio’ kun mass immunization.
Mukabat sa 199 ka teams ang namugna kung asa lakip niini ang vaccinator kon tig bakuna, recorder og laing usa kung asa mukabat sa 75, 545 ka mga bata ang target mabakunahan.
Apan kulang pa og 87 ka vaccinators hinungdan nga nanawagan si Dr/. Oco sa mga pwedeng mag-volunteer. Lakip niini sa criteria ang mga licensed og registered nurse, midwife, medtech, og doktor.
Sa pamahayag pa ni Dr. Oco nga bisan nabakunahan na kontra polio ang usa ka bata nga zero to 59 months old o ubos sa singko anyos paubos ang edad, angayan gihapon nga makadawat og duha ka patak sa bakuna.
Nagpahimangno si Dr. Oco sa mga ginikanan nga libre ang bakuna kontra polio nga gihatag sa gobyerno.
Kini human sa kasinatian kaniadto sa mga vaccinators sa Ligtas Tipdas nga adunay tao nga nagpakaaron -ingnon nga taga City Health dayun gahatag sa bakuna dayon nangayo og donasyon.
Ipadayon ang ‘Sabayang Patak kontra Polio’ sa Enero 6-18, 2020. Gisiguro ni Dr. Oco nga wala nay problema sa availalblity sa bakuna tungod gikan ang supply niini sa World Health Organization.
