Hugot nga gikondenar sa mga nasud nga China ug France ang gihimo sa mga US militar ubos sa mando ni President Donald Trump nga pagdakop kang Venezuela President Nicolás Maduro.
Sumala sa pahayag sa Chinese Foreign Ministry, nabalaka kaayo sila sa maong balita ug hugot kini nga gikondenar, labi na ang paggamit sa pwersa batok sa presidente sa usa ka soberanong nasud:
“China is deeply shocked and strongly condemns the use of force by the U.S. against a sovereign country and the use of force against the president of a country.”
Samtang, si Foreign Minister Jean-Noël Barrot sa France nagpahayag nga bisan pa man nga gibayolar ni Maduro ang mga katungod sa Venezuela, ang gihimong military raid supak sa international law ug nagpaandam nga kon mosubli ang susamang paglapas ni Trump, kini magdala og seryosong konsekwensya sa kalibotanong seguridad:
“Repeated breaches of this principle by permanent U.N. Security Council members will have serious consequences for global security, sparing no one.”
