Gipanghimakak sa China ang giingong pagpanghilabot niini sa umaabot nga midterm elections sa Pilipinas sa Mayo 2025.
Matud pa ni Chinese Foreign Ministry Spokesperson Guo Jiakun, ang China nagsunod sa prinsipyo nga “non-interference” o dili pagpanghilabot sa mga kalihokan sa ubang mga nasud.
Dugang pa niini nga wala silay interes nga manghilabot sa piniliay sa Pilipinas.
Ang pahayag human gipadayag sa National Security Council (NSC) nga adunay mga timailhan sa mga operasyon sa China nga gitumong sa pag-impluwensya sa mga resulta sa eleksyon.
Matod ni NSC Assistant Director General Jonathan Malaya, adunay mitumaw nga propaganda gikan sa Beijing nga gipadako sa proxy o third-party nga mga grupo ug gikanayon nga adunay mga kandidato nga giingong gipuntirya sa disinformation campaigns.
Ingon man nga ang mga awtoridad nagpadayon sa pagmonitor sa isyu samtang nagkaduol ang eleksyon sa Mayo.
