Gidepensahan sa prosecution team si Manila Rep. Bienvenido “Benny” Abante Jr. human siya gisaway ni Senator-Judge Panfilo “Ping” Lacson tungod sa pagkatulog-tulog niini sulod sa impeachment court sulod sa duha ka sunod-sunod nga adlaw—Lunes ug Martes.
Sa usa ka post sa social media, misulat si Lacson og, “Impeachment trial today. Saan kaya matutulog ito? Kawawa naman,” uban ang litrato ni Abante nga natulog, nga gikuha niadtong Lunes, Septiyembre 28.
Matod sa tigpamaba sa prosecution ug Lanao del Sur Rep. nga si Zia Alonto Adiong, nakasabot siya sa sentimento ni Lacson, ug namatikdan niya nga lagmit gusto sa Senator-Judge nga magpabiling alerto ug matinagdanon ang tanan sulod sa impeachment court.
Apan, sa dihang gipangayoan og reaksiyon bahin sa post ni Lacson, gidepensahan ni Alonto si Abante, ug gipunting nga bisan pa sa iyang edad, padayon gihapon kining nagtuman sa iyang mga katungdanan.
