GENERAL SANTOS CITY – Posibleng mopakita na sa sunod sesyon sa Sanguniang Panglungsod si OIC City PNP Director Col. Paul Bometivo human sa pipila ka pakyas nga pagpatim-aw sa sesyon.
Kini human gibutyag ni City Councilor Edmar Yumang nga zerohan ug pundo ang General Santos City Police Office tungod sa wala pagpakita sa nahisgutan dihang gipatawag sa sesyon.
Una nga gibutyag ni Yumang nga muagi una sa pag-apruba sa Konseho ang budget nga ihatag sa kapulisan.
Remedyo matud pa kini aron mugawas si Bometivo ug muatubang sa Konseho.
Kahinumduman nga gipadala ni Col. Bometivo si Col. Jaime Chavez ang deputy City Director for Operations, kini tungod naatul nga gipatawag siya didto sa Police Regional office 12 .
Importante matud pa ang presensya ni Bometivo aron matubag ang duha ka nagsunod nga pagpamusil nga nahitabo sa Brgy. Labangal ug Fatima nakalabay nga semana nga gikamatay sa usa ka Barangay Tanud ug pastil vendor.
