Gitawag sa Catholic Bishops’ Conference of the Philippines (CBCP) ang pagpauli ni Mary Jane Veloso nga kadaugan sa pagtuo, hustisya, ug suporta sa komunidad.
Karong buntag (Dis. 18) niabot sa Pilipinas si Veloso human sa halos usa ka dekada ug tunga nga pagkabilanggo sa Indonesia.
Matod ni Antipolo Bishop Ruperto Santos, kinsa nagsilbing vice chairman sa CBCP Episcopal Commission for the Pastoral Care of Migrants and Itinerant People, ang pagpauli ni Veloso simbolo sa paglaom ug gahom sa pag-ampo.
Matod niya usa usab kini ka mahinungdanong lakang tungod kay naatol kini sa International Migrants Day.
Hinuon, wa pa dinhi matapos ang away alang kang Veloso tungod kay kinahanglan pa niya nga magtinabangay sa pag-ampo nga mahatagan og clemency si Mary Jane.
Sa pagbalik ni Veloso sa Pilipinas, iya na usab nga gipamatud-an ang iyang pagka-inosente ug pagkabiktima sa mga sindikato sa human ug drug trafficking.
Si Veloso unang nasentensiyahan sa pagpamaligya og droga niadtong 2010 sa Indonesia human siya nakuhaan og kapin sa 2.6 kilos nga heroin nga gibanabana nga mobalor og $500,000.
Ang maong mga kontrabando gituohang gikan sa mga sindikato sa drugas nga giingong konektado sa iyang mga recruiter.
