-- ADVERTISEMENT --
Adunay taas nga timailhan nga mibuto na usab ang Kanlaon Volcano, sumala ni Office of Civil Defense (OCD) Spokesperson Chris Noel Bendijo.
Sa pakighinabi kang Korina Sanchez-Roxas sa “Agenda” sa Bilyonaryo News Channel, si Bendijo niingon nga bisan og daghan ang nag-ampo nga dili na mobuto ang bulkan, matod niya, ang tanang timailhan nagpakita nga dako ang posibilidad nga mobuto kini pag-usab.
Sa pagkakaron, matod niya 2,682 ka pamilya o halos 8,500 ka indibidwal ang anaa pa sa mga evacuation centers sukad niadtong Disyembre 9, 2024, dihang unang mibuto ang bulkan.
Ang status sa bulkan nagpabilin sa Alert Level 3.
