Buhatan sa Comelec-GenSan abli bisan Sabado alang sa voters registration

GENERAL SANTOS CITY – Abli karong adlaw ang buhatan sa Comelec-GenSan alang sa matigayon nga voters registration.

Kahibaluan nga sa miaging November 6 nagsugod ang voters registration alang sa SK og Barangay Election sa sunod tuig.

Sumala pa ni Bai Iskak sa Comelec GenSan nga bisag holiday abli ang ilang buhatan lakip na Sabado aron maasikaso ang buot nga magparehistro.

Ang ilang panawagan sa katawhan nga mahimuslan ang kahigayonan gumikan hangtud sa Nobyembre 30, 2017 lang ang voters registration.

Ang mga magparehistro ang magdala og ID lakip na ang Birth certificate.

Ang buhatan sa Comelec GenSan ang nahimutang sa 3rd floor sa Barangay hall sa Barangay Dadiangas West.