Nagpagawas og forecast ang Bangko Sentral ng Pilipinas nga ang inflation alang sa bulan sa Hunyo 2026 lauman nga anaa sa 6.0 hangtod 7.0 percent.
Sumala sa BSP, makatabang sa pagbaba sa inflation ang pagkunhod sa presyo sa domestic oil ug pipila sa mga nag-unang pagkaon sama sa bugas ug karne.
Bisan paman niini, gilauman usab nga musaka ang bayrunon sa kuryente ug presyo sa gulay nga posibleng mupataas usab sa inflation.
Nagpabilin nga ginabantayan sa BSP ang pagbag-o sa datos kalabot sa Inflation ug growth prospects. Dugang pa, ginabantayan usab nila ang sitwasyon sa middle east nga posibleng makaapekto sa presyo sa lana ug sa kinatibuk-ang ekonomiya.
Base sa datos sa Development Budget Coordination Committee (DBCC) nagpabiling taas ang Inflation karung tuiga apan ginalauman nga munaog sa 4%-5% sa 2027, bag-o opisyal nga mubalik sa target nga 2%-4% ang band sa BSP sa 2028.
