GENERAL SANTOS CITY – Pirteng pagkalumping sa atop nga bahin, samtang buak ang samin og guba ang bumper sa usa ka bag-ong pick-up human nga natumbahan og usa ka dako nga punuan sa kahoy sa Roxas Avenue Corner Laurel St , Brgy. Dad. East ning syudad.
Pasado alas 4:00 kagahapon sa hapon dihang kalit nga mikusog ang pagtayhop sa hangin nga gisundan og makusog nga pagbundak sa ulan.
Matud ni Cristobal Catalan, taga Don Marcelino, Davao Occidental, samtang gisubay ang dalan padulong unta sila sa Malesido, kalit lamang nga natumba ang dakong punuan sa kahoy atubang sa GenSan Garden Center og ‘timing’ nga naigo ang maneho niining Mitsubishi Estrada kulay gray.
Sumala pa, wala pay usa ka semana dihang nigawas sa casa ang pick-up nga ilang company service sa ilang gitrabahuan hinungdan nga temporary pa lamang ang plaka niini.
Swerte lang dihang wala siya maunsa og ang kauban nga si Vince Mariano.
Nasayran nga medyo nagresulta og huot nga dagan sa trapiko ang insidente human nga sa tunga nga bahin mismo sa Roxas Avenue Corner Laurel Street natumba ang kahoy nga sumala pa tungod sa hilabihan kadako, dili halos magakos og usa lang ka tao.
