Gikumpirma ni Philippine National Police (PNP) Spokesperson PBGen. Jean Fajardo nga ang boxing ring sa Rizal Memorial Coliseum kasamtangang gi-assemble ug gi-ayo, asa gikatakdang gamiton sa charity boxing match nga ipahigayon tali ni PNP Chief PGen. Nicolas Torre III ug Acting Davao City Mayor Sebastian ‘Baste’ Duterte karong umaabot nga Domingo, Hulyo 27, 2025.
Una niini, niluwat og kondisyon si ‘Baste’ Duterte nga sa dili pa dawaton ang hagit ni Torre, kinahanglang hangyoon una niya si Presidente Ferdinand Marcos Jr. ug ang tanang piniling opisyal nga ipaubos sa hair follicle drug test.
Bisan pa niini, nag-bansay gihapon og maayo si Torre isip kabahin sa iyang preparasyon sa umaabot nilang away.
Sa unang adlaw, gipailawom sa boxing training ang hepe sa PNP Sports Center inabagan sa usa ka trainer nga nahimong sparring partner niya sa ring samtang nag-jogging siya og 10 ka round sa PNP Oval bisan pa man sa nag-laing panahon ug kusog nga ulan.
Sa laing bahin, gipasalig ni Torre nga bisan og dili motunga si Mayor Baste sa ilang gikatakdang away karung Domingo, mopatim-aw gihapon siya aron sa pag-apod-apod sa mga relief goods sa mga residente nga naapektuhan sa bagyo ug habagat sa miaging mga semana.
