GENSAN- Nagpagawas og pahibalo sa publiko ang Business Permits and Licensing Division nga mag-abri ang ilang opisina aron maserbisyuhan ang dugang nga mga aplikante ug kadtong naghulat hangtod sa ulahi sa pag-renew sa permit.
Mag-operate sila ugmang adlawa Pebrero 27, 2026 sugod unyang alas 8:00 sa buntag hangtod alas 5:00 sa hapon, ug sa Pebrero 28, gikan alas 8:00 sa buntag hangtod alas 12:00 sa tungang gabii.
Gituyo ang extended hours aron mahatagan og higayon ang mga negosyante nga makahuman sa ilang transaksyon sa hustong panahon.
Giawhag ang tanang business owners nga mag-renew na daan aron malikayan ang pagdaghan sa aplikante ug posibleng multa tungod sa pagkalangan.
Pinaagi sa pag-avail sa dugang oras sa serbisyo, masiguro nga magpadayon ang operasyon sa negosyo nga walay samok ug nakasubay sa balaod.
