GENERAL SANTOS CITY – Padayon ang pagdaghan sa ihap sa mga biktima sa dengue sa syudad. Matud ni Dr Rochelle Oco ang labaw sa City Health Office nga matag adlaw nadugangan ang ihap sa mga biktima.
Gikumpirma niini nga na activate na sa mga barangay ang action kontra dengue human nagdeklara ug state of calamity ang dakbayan ug nationwide epedimic aron nga magmugna ug dengue task force sa mga barangay .
Matud niini nga sa miaging dominggo gibisitahan sa mga sanitary inspectors ang unang napulo ka barangay nga adunay labing daghan nga pasyente nga nagka dengue hinungdan nga nagpahigayon ug treatment ang task force.
Gipasalamatan pa niini ang publiko nga gisunod gilayon ang hangyo nga magpahigayon ug 4 o clock habit nga ginamonitor sa City Health Office matag semana nga mao usab ang ilang ginasumite sa DOH region 12.
Dinhi sa dakbayan adunay upat ang patay samtang 1,110 ang nagka dengue.
