GENERAL SANTOS CITY – Gihingusgan sa Bureau of Fisheries and Aquatic Resources (BFAR) 12 nga daghang factors nganong mitaas ang presyo sa isda.
Matud pa ni Omar Sabal ang Information Officer sa BFAR 12 nga epekto kini sa pag-agi sa bagyong Auring hinungdan namauli ang mga mananagat.
Gawas sa dagkong balod sa kadagatan, gituohan nga paspas mahurot ang supply tungod mas daghan na ang nagkonsumo ug isda.
Kini gumikan mahal ang presyo sa karneng baboy og manok daghan ang namalit ug isda hinungdan nga nagreklamo ang mga nahisgutan.
Giawhag ang publiko nga mag venture sa aquaculture tungod hilabihan na kadaghan ang nanagat mao nga paspas migamay ang isda samtang nanaghan usab ang nagkonsumo.
Hinuon gipasalig niini nga dili magdugay mubalik gihapon sa normal nga kahimtang sa nasinati-an karon nga problema.
Kahibaluan nga sa miaging mga adlaw hapit na nga mahimong P300 kada kilo ang mga isda sa palengke butang nga gikakurat sa katawhan.
