Giduso ang dinalian nga pagpatuman sa lakang nga gitumong sa pagpugong sa pagbaligya sa mga nakumpiska nga smuggled goods.
Sa samang higayon, gidayeg sa House Committee on Ways and Means chairperson ug Albay Rep. Joey Salceda ang dinaliang aksyon sa Bureau of Customs (BOC) sa report sa National Bureau of Investigation (NBI) kalabot sa giingong pagsuway sa pagbaligya sa P270 milyones nga balor sa smuggled tobacco products inay gubaon.
Ang magbabalaod niingon nga iyang hangyoon ang Bureau of Internal Revenue (BIR) ug BOC nga mohatag og update sa Kongreso kalabot sa imbentaryo sa mga nakumpiska nga smuggled tobacco products.
Matod ni Salceda, giaprobahan sa House of Representatives ang ikatulo ug katapusang pagbasa sa iyang gisugyot nga Anti-Illicit Tobacco Trade Act (House Bill 11286) alang sa hinanaling pagguba sa mga nakumpiska nga smuggled nga produkto.
