GENERAL SANTOS CITY- Nagpaklaro si Paulito Maquilang, slaughter house master ning siyudad, nganong wala pa gihapon nahimong operational ang bag-ong slaughter house.
Sumala pa nga nahuman na ang gambalay kon building niini, apan wala pa ang mga ekipo ug himan.
Nasayran nga kasamtangan pang anaa sa Bids and Awards Committee ang gigahin nga budget nga P4milyon aron ipalit ug himan.
Apan kulang matud pa kini gumikan P10milyon gayud ang gikinahanglan alang sa himan, hinungdan nga kon muabot na ang naasoy’ng supplemental budget ug makumpleto ang tanang gikinahanglang himan, ayha pa magsugod sa pag-operate ang bag-ong slaughter house sa siyudad.
Gumikan niini, gilaumang sa ulahing quarter pa sa sunod tuig posibleng mag-able ang naasoy’ng pasilidad.
Ug kon mahimo nang operational, ibalhin matud pa didto ang mga baboy ug bugtong mga baka ug kabaw na lang sa karaan nga slaughter house.
