Gipahibalo ni Senate Impeachment Court Presiding Officer Francis Escudero ang posibleng bag-ong iskedyul para sa impeachment trial ni Bise Presidente Sara Duterte.
Sumala ni Escudero, kini aron ang mga senador makahimo usab sa ilang ubang mga katungdanan para sa hearing sa gisugyot nga 2027 national budget.
Sa bag-ong iskedyul, sugod Oktubre 1 ug 2, ang husay ipahigayon sa tibuok adlaw gikan alas 10 sa buntag hangtod gabii.
Samtang, sa tibuok semana gikan Oktubre 5 hangtod Oktubre 9 ug Oktubre 12 hangtod Oktubre 15, ang husay ipahigayon sa tibuok adlaw, gikan alas 10 sa buntag hangtod gabii o depende kung unsang orasa nila gusto nga matapos.
Human niini, ang husay ihunong aron mahatagan og dalan ang mga hearing sa Senate finance committee sa gisugyot nga 2027 budget sa lain-laing mga ahensya.
Samtang, si Escudero miingon nga bisan og wala na ang sesyon, ang hearing sa 2027 budget magpadayon gihapon.
Ang impeachment trial magpadayon sa Nobyembre 9 ug 16, parehong Lunes, samtang ang badyet hisgutan sa plenaryo, ug ang naandan nga programa sa husay ipadayon sa Nobyembre 23
Giklaro ni Escudero nga ang bag-ong iskedyul i-finalize sa sunod semana.
