-- ADVERTISEMENT --
GENERAL SANTOS CITY– Kustodiya na sa mga health personnel ang usa ka bag-ong himugso nga bata nga gibilin sa Purok San Miguel Brgy. Calumpang ning syudad.
Kini human gibutyag ni Lea Hongson nga gitugyan na niini sa health center ang batang lalaki nga iyang nakita duol sa ilang gipuy-an.
Nakita matud pa kini sa iyang anak nga nakaputos ug cellophne hinungdan nga iyang giputos ug panapton ug gipainum ug gatas apan nadeskubri nga naglisod pagtotoy sa gatas tungod adunay deperensya ang baba sa bata.
Wala matud pa kini namatikdan nga misulod sa lugar ug nagbutang sa bata tungod nag-ulan niadtong higayuna. Plano unta niini nga dad-on sa hospital ang bata apan gitambagan sa mga silingan basin ug makasuhan.
