Bag-ong himugso nga bata naipit sa ligid sa motorsiklo, patay

Patay ang tulo ka adlaw nga bag-ong himugso nga bata dihang naipit sa ligid sa motorsiklo sa Tagkawayan, Quezon.

Ang insidente nahitabo sa Quirino Highway sa Barangay Rizal niadtong Hunyo 25.

Base sa imbestigasyon sa kapulisan, nagsubay sa dalan ang motorsiklo nga gimaneho sa amahan sa bata nga gisakyan sa inahan samtang gibitbit ang bata nga giputos og habol.

Ang bata gikatahong wala na mabantayi sa dihang ang habol nasangit sa kadena sa motorsiklo, hangtod nga nabira ang bag-ong nahimugso sa bukton sa inahan ug nasangit sa ligid.

Gidala dayon sa balay tambalanan ang bata apan gideklarar kini nga dead on arrival samtang ang inahan naangol