GENERAL SANTOS CITY – Blangko ang mga kapulisan kung kinsa ang suspek sa pagpamusil patay sa usa ka babaye sa Purok Bliss Extention Barangay Calumpang ning dakbayan sa Heneral Santos.
Sa impormasyon sa Calumpang Police Station nakig-inom ug ilimnong makahubog ang biktima sa pagpamusil kuyog sa mga higala nga mga babaye dihang gihunungan sa nakamotor nga suspek ug gipusil hinungdan sa iyahang hinanaling kamatayon.
Gi ila ang biktima nga si Sharry Sangayang, 30 anyos ug mululupyo sa nahisgutang lugar.
Sa kasamtangan padayon ang imbestigasyon sa mga kapulisan sa maong pagpamusil,ug ilaha nang ginatigum ang mga CCTV fotage aron mailhan ang suspek.
Kahibaluan nga kagahapong adlawa usab gilubong ang 24 anyos nga babaye nga gipusil patay miaging mga semana,
Nasuta nga kini na ang ikaduha nga higayon nga may babaye nga gipusil patay sa Barangay Calumpang niining dakbayan.
