GENSAN- Padayon pang gina-imbestigahan sa Mabuhay Police Station ang pagpamusil patay sa usa ka empleyado sa Barangay Conel ning dakbayan sa Gensan atol sa iyang pagsaulog sa adlawng natawhan.
Kahinumduman, giila ang biktima nga si Carmela Dela Rita, 63 anyos, utility worker sa barangay ug nanimuyo sa Purok Guadalupe–A, Barangay Conel og nakaangkon ug samad pinusilan sa iyang bukton ug ulo gamit ang wala masayring kalibre sa armas.
Matud ni Leah Rita, anak sa biktima, wala siya sa ilang balay dihang gipusil ang inahan pasado alas 11:00 sa gabie sulod mismo sa iyang panimalay samtang natulog tapad ang anak nga lalaki.
Gibutyag niini, away sa luna ang nag-unang motibo nga ilang gilan-taw human nga nagbaligya matud pa og parte sa iyang yuta ang ilang inahan.
Dugang ni Leah, kaniadtong Biyernes, aduna matud pay nakabingkil ang iyang inahan tungod sa sa maong yuta nga nisangko pa sa pag-atubang sa mga nahisgutan sa barangay.
Gitugyan na lamang nila sa Ginoo ang tanan og nanghinaut nga makonsensya ang suspek og dayon kining madakpan sa otoridad
