Nangayo na og pasaylo ang aktor nga si Anthony Jennings kang Marris Racal ug Jamela Villanueva pipila ka oras human naghatag sa iyang pahayag si Maris.
Mubo nga mensahe ug napuno sa ‘sorry’ ang pamahayag ni Anthony sa duha ka babaye nga iyang nasakitan.
Kahinumdoman nga nag-ugat ang kontrobersiya sa bahin nila ni Racal ug Jennings, tungod kay sa gi-post ni Jamela Villanueva ang pribadong panag-estorya nila ni Maris ug Anthony nga adunay mga sensitibong panag-estorya.
Una usab niini, may gipagawas nga video statement si Maris kung asa gi-angkon nga iyang sayop ang tanan ug siya ang dunay tulubagon.
Giangkon usab nga makauulaw ang iyahang nabuhat, human nga nabasahan niini ang maong mga conversation nga gipang screenshot ni Jamela, diin nabati na sumala pa niini nga daw gahubo na kini ngadto sa mata sa publiko.
Sa ulahi sa iyahang pamahayag, nangayo si Maris og pasaylo ngadto sa publiko kalabot sa mga tao nga nalambigit sa maong isyu.
Sa pagkakaron, wala pay opisyal nga pamahayag si Jamella Villanueva kabahin sa pamahayag ni Jennings og Racal.
