Gidakop sa kapolisan ang anak sa Crown Princess sa Norway tungod sa reklamong pagpanglugos.
Sumala sa kapolisan sa Norweigan, si Marius Borg Høiby anaa sa ilang kustodiya tungod sa pagpanglugos.
Matod sa abogado sa 20-anyos nga biktima, wa siya makaila sa 27-anyos nga si Holby.
Sa adlaw lang nga nahitabo ang insidente nga nahimamat niya si Holby.
Ang kampo ni Holby kusganong mihimakak sa maong pasangil batok kaniya.
Si Holby natawo sa wala pa ang iyang inahan nga si Mette-Marit naminyo kang Crown Prince Haakon ug sa kadugayan nahimong prinsesa sa 2001.
Sa pagkakaron nag-atubang kini og nagkalain-laing kaso gikan sa lima ka managlahing tawo, upat ka babaye ug usa ka lalaki.
Tulo sa mga babaye nga biktima mga kanhi karelasyon ni Holby nga nasakitan ni Holby.
Niadtong Agosto, si Holby giakusahan sa pag-atake ug pagdaot sa usa ka apartment.
